لاہور(سپورٹس رپورٹر) پاکستان کرکٹ بورڈ نے سابق چیئرمین احسان مانی کے اخراجات کی مکمل تفصیلات جاری کردیں۔پی سی بی کے مطابق احسان مانی نے تین سال میں 3 کروڑ ، 61 لاکھ 63 ہزار 835 روپے خرچ کئے اور انہوں نے سب سے زیادہ رقم رہائش کی مد میں موصول کی۔پی سی بی کے مطابق احسان مانی نے رہائش کیلئے ایک کروڑ 23 لاکھ 53 ہزار روپے سے زائد خرچ کئے اور ان کے غیر ملکی دوروں پر ایک کروڑ پانچ لاکھ 75 ہزار کا خرچ آیا ۔جبکہ ملکی سفر پر احسان مانی نے 54 لاکھ 27 ہزار 678 روپے خرچ کئے۔کرکٹ بورڈ کی جانب سے چیئرمین پی سی بی رمیز راجہ کے ستمبر کے اخراجات بھی جاری کیے گئے ہیں جس کیمطابق رمیز راجہ نے ایک لاکھ 50 پچاس ہزار 424 روپے خرچ کئے۔