لاہور(سپورٹس رپورٹر)شہریار ملک نیشنل گراس کورٹ ٹینس چیمپئن شپ کا باقاعدہ افتتاح باغ جناح میں ہو گیا۔پاکستان ٹینس فیڈریشن کے صدر سلیم سیف اللہ خان نے افتتاحی تقریب میں مہمان خصوصی کے طور پر شرکت کی ۔اس موقع پر میڈیا سے گفتگو کرتے ہوئے پی ٹی ایف کے صدر نے کہاکہ فیڈریشن کا کام کھلاڑیوں کو زیادہ سے زیادہ مواقع فراہم کرنا ہے اور ہم پی ٹی ایف اور اے ٹی ایف کے زیادہ سے زیادہ ایونٹس پاکستان میں منعقد کروا رہے ہیں ۔مینز سنگلز پہلے راؤنڈ میں سات میچز کھیلے گئے۔ اعجاز احمد، ہیرا عشق، مہاتیر محمد، اسداللہ، طلحہ بن آصف، ابراہیم عمر اور اور حشیش کمار نے اپنے اپنے میچز میں کامیابی حاصل کی۔