سابق چیئرمین   احسان مانی نے 3سال میں 3کروڑ ، 61لاکھ روپے خرچ کیے

لاہور(آئی این پی) پاکستان کرکٹ بورڈ نے سابق چیئرمین احسان مانی کے اخراجات کی مکمل تفصیلات جاری کردیں۔پی سی بی کے مطابق احسان مانی نے تین سال میں 3کروڑ ، 61لاکھ 63ہزار 835روپے خرچ کیے اور انہوں نے  سب سے زیادہ رقم رہائش کی مد میں موصول کی۔پی سی بی کے مطابق  احسان مانی نے رہائش کے لیے ایک کروڑ ، 23لاکھ 53ہزار روپے سے زائد خرچ کیے اور ان کے غیر ملکی دوروں پر ایک کروڑ پانچ لاکھ 75ہزار کا خرچ آیا جب کہ ملکی سفر پر احسان مانی نے 54لاکھ 27ہزار 678روپے خرچ کیے۔