لیوک گرینفیل شا کا شوکت خانم ہسپتال لاہورکا وزٹ 

لاہور( کامرس رپورٹر) لیوک گرینفیل شا  ایک ٹینڈم سائیکل پر برسٹل سے بیجنگ تک 30,000 کلومیٹر کا فاصلہ طے کرنے کے اپنے مشن کے تحت شوکت خانم میموریل کینسر ہسپتال اینڈ ریسرچ سینٹر (SKMCH&RC) لاہور پہنچے۔پاکستان میں اپنے سفر کے پانچویں مرحلے کے لیے لیوک نے شوکت خانم میموریل کینسر ہسپتال لاہور کا وزٹ کیا جہاں ہسپتال کے قائم مقام سی ای او ڈاکٹر محمد عاصم یوسف نے ان کا استقبال کیا۔ لیوک کو اب تک کے کامیاب سفر پر مبارکباد دی اور پاکستان میں کینسر کی دیکھ بھال کے بارے میں آگاہ کیا۔ ڈاکٹر یوسف نے لیوک کو بتایا کہ لاہور اور پشاور میںشوکت خانم میموریل کینسر ہسپتال اینڈ یسرچ سنٹر میں کینسر کے تمام مریضوں میں سے 75% سے زیادہ ہر سال بین الاقوامی معیار کے مطابق ’’ادائیگی کرنے کی اہلیت سے قطع نظر‘‘ مفت علاج کرواتے ہیں۔