ثاقب نثار کی آڈیو جھوٹی‘ ہر وقت روتے رہنا مسئلہ کا حل نہیں: شہباز گل 

اسلام آباد (اے پی پی) وزیراعظم کے ترجمان و معاون خصوصی برائے سیاسی ابلاغ ڈاکٹر شہباز گل نے کہا ہے کہ ہر وقت روتے رہنا مسئلہ کا حل نہیں ہے۔ گزشتہ روز  احسن اقبال کے ٹویٹ پر ردعمل  کا اظہار کرتے ہوئے انہوں نے کہا کہ  آپ کو 10 سال ملے  لیکن آپ نے کام نہیں کیا، اب تحریک انصاف نے کیا ہے تو آپ کو برا لگ رہا ہے، یا تو خود کام  کرتے ہیں یا دوسروں کو کرنے دیتے ہیں۔  دوسری طرف شہباز گل نے کہا ہے کہ ثاقب نثار کی جھوٹی آڈیو ریلیز کی گئی، وائرل کلپ کے حوالے سے رد عمل دیتے ہوئے  شہباز گل   نے  کہا کہ ریلیز کرنے والے نوازشریف کی بے گناہی کی جھوٹی خبر دے کر معافی مانگ چکے، اگر آڈیو ویڈیو کی بات کرنی ہے تو پہلے قیوم ملک کی بات کی جائے۔
شہباز گل