روہڑی(نامہ نگار)چور بیوہ کے گھرکا صفایا کرگئے بیٹی کے جہیز کےلئے جمع شدہ8تولہ طلاعی زیورات،1لاکھ سے زائد نقدی اور درجنوں نئے جوڑے چراکرفرار ہوگئے بیوہ کی جانب سے بیٹوں کے ہمراہ احتجاجی مظاہرہ چوری شدہ سامان کی واپسی کا مطالبہ تفصیلات کے مطابق روہڑی کے گنجان آباد علاقے ٹکر محلہ میں گزشتہ رات نامعلوم چور بیوہ سکینہ بی بی کے گھر کی دوسری منزل کے دروازے کے تالے توڑ کر کمروں میں داخل ہوکر گھرمیں موجود 8تولہ طلاعی زیورات،1لاکھ سے زائد نقدی اور درجنوں نئے لیڈیز سوٹ چراکر فرار ہوگئے۔
 اس سلسلے میں بیوہ سکینہ بی بی نے اپنے بیٹو ں وسیم اورفہد کھوکھر کے ہمراہ احتجاجی مظاہرہ کرتے ہوئے کہا کہ چور بیٹی کی شادی کے لئے جمع شدہ طلاعی زیوارات،نقدی اور درجنوں قیمتی جوڑے چراکر فرار ہوگئے ہیں انہیں نے آئی جی سندھ،ڈی آئی جی سکھر اور ایس ایس پی سکھر سے مطالبہ کیا کہ انکے گھرچوری میں ملوث چوروں کو گرفتار کیا جائے اورچوری شدہ بیٹی کاجہیز واپس کرایا جائے۔