ویمن یونیورسٹی میں اےنٹی کرپشن ویک شروع‘ طالبات میں پینٹنگ ‘مضمون نویسی کے مقابلے 

ملتان(خصوصی رپورٹر) ویمن یونیورسٹی ملتان میں نیب کے زیراہتمام اےنٹی کرپشن ویک شروع ہوگیا،افتتاح ڈائریکٹر سٹوڈنٹس ڈاکٹر عدیلہ سعید نے کیا جبکہ ججز کے طور پر ڈاکٹر شاہدہ رسول ، سارہ مجید،ہانیہ منیر، منزہ نور، اقرا اشرف، سونیا ناصر اور ڈاکٹر ریما نظر تھیں۔ پہلے روز طالبات کے درمیان کرپشن سے متعلق پینٹنگ اور مضمون نویسی کے مقابلے ہوئے پہلی پوزیشن مسکان احسن ، دوسری پوزیشن سحرش عمر اور تیسری پوزیشن طوبیٰ خان نے حاصل کی جبکہ مضمون نویسی کے مقابلے میں پہلی پوزیشن رمشا نواز، دوسری پوزیشن عروج امیتاز اور تیسری پوزیشن زویا سہیل نے حاصل کی ، اس موقع پر مہمان خصوصی ڈاکٹر عدیلہ سعید نے کہا کہ کرپشن کا ناسور تب ختم نہیں ہو گا جب تک ہر ایک انسان کو اس کے حقوق میں آزادی نہیں ملے گی ،ہم سب کو مل کر انفرادی اور اجتماعی طور پر کرپشن کو ختم کرنے کے لئے کوشش کرنی چاہئے۔ جب تک کرپشن ختم نہیں ہوگی معاشرے میں امن قائم نہیں ہوگا۔