اسلام آباد (نوائے وقت رپورٹ) آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل ندیم رضا نے ائیر اور نیول ہیڈ کوارٹرز کا الوداعی دورہ کیا۔ جنرل ندیم رضا نے نیول چیف ایڈمرل امجد خان نیازی اور ائیر چیف مارشل ظہیر احمد بابر سے الوداعی ملاقاتیں کیں۔ جنرل ندیم رضا نے پاک فضائیہ اور بحریہ کی جنگی تیاریوں پر اطمینان کا اظہار کیا۔ ائیر‘ نیول ہیڈ کوارٹرز آمد پر چاق و چوبند دستے نے جنرل ندیم رضا کو گارڈ آف آنر پیش کیا۔