اڈالاڑ (نمائندہ نوائے وقت)گورنمنٹ ایلیمنٹری سکول چک5فیض کے طلبا ئ￿ نے ہیڈ ماسٹر عبدالوکیل کی زیر قیادت ایئر یونیورسٹی ملتان کیمپس چک 5فیض کا مطالعاتی دورہ کیا۔ڈائریکٹر کیمپس ایئر یونیورسٹی ملتان کیمپس چک 5فیض ڈاکٹر غلام علی نے طلبا ء سے گفتگو کرتے ہوئے کہاکہ اگراپنا مستقبل بہتر بنانا چاہتیہیںتو غلط سرگرمیوں سے دور رہیں اور اپنے مستقبل کے لئے والدین سرپرستوں کے بتائے ہوئے راستے پر چلیں۔موجودہ دنیا میں اپنامقام بنانے کے لئے کتاب اور الیکٹرانک دنیا کی اہمیت کو سمجھاجائے۔ والدین اگر اپنے بچوں کو معاصر علم دلانا چاہتے ہیں توبچوں کو الیکٹرانک اشیاء کااستعمال کروائیں۔ لیکن ان پر نگاہ بھی رکھیں۔ طلبہ وطالبات کو چا ہے کہ وہ زیادہ سے زیادہ کتابیں پڑھتے ہوئے علم حاصل کریں۔اس موقع پر اسسٹنٹ ڈائریکٹر ایڈمن ممتاز خان نیازی ،ایڈمنآفیسر محمد منیر بھی ان کے ہمراہ تھے۔
خدمت خلق کو اپنی زندگی کا شعار بنایا جائے:ڈسٹر کٹ گورنر لائنز