ملتان(خصوصی رپورٹر) زکریا یونیورسٹی نے ایمرسن یونیورسٹی کی بی ایس اکنامکس کی پوری کلاس فیل کردی ، طلبا کا احتجاج، سڑک بلا ک کردی تفصیل کے مطابق ایمرسن یونیورسٹی کے بی ایس اکنامکس کے 5 ویں سمسٹر کے طلبا کا الحاق زکریا یونیورسٹی سے ہے فائنل کے امتحانات میں 36 کی کلاس میں سے 28 بچے فیل ہوگئے جس پر انہوں نے احتجاج شروع کردیا اور بوسن روڑ کو بلاک کردیا ان کا کہنا تھا کہ مارکنگ کرنےو الوں نے طلبا پر ظلم کیا ہے اس لئے خصوصی نمبر دئے جائیں جس پر یونیورسٹی حکام نے ان کی درخواست کنٹرولر امتحانات کو فارڈ کردی اس بارے میںایمرسن یونیورسٹی کے کنٹرولر ڈاکٹر ابرار کا کہنا ہے کہ پیپر بنانے سے لیکر چیکنگ اور نتائج کے اعلان تک سارے کام زکریا یونیورسٹی نے کیا ہے ہم نے طلبا کے تحفظات ان تک پہنچادئے ہیں امید ہے میرٹ پر فیصلہ ہوگا، اس بارے میں زکریا یونیورسٹی کے شعبہ امتحانات ذرائع کا کہنا ہے کہ ایمرسن یونیورسٹی کے اساتذہ کو طلبا کے پرچے دکھا دئے گئے ہیں جس میں طلبا کی غفلت پائی گئی ہے مارکنگ بھی ٹھیک ہے ، اور وہ مطمیئن ہوکر واپس آگئے، اس بارے میں کنٹرولر ڈاکٹر امان اللہ کا کہنا ہے کہ پرچوں کی چیکنگ اساتذہ نے کی ہے درست کی ہے ہمیں ان پر اعتمادہے ، ری چیکنگ کی سہولت ہے ری مارکنگ نہیں ہوسکتی، یہ دراصل تدریس کا ایشو ہے ایمرسن یونیورسٹی میں کلاسز میں ٹھیک طریقے سے نہیں پڑھایاگیاجس مضمون میں طلبا فیل ہوئے ہیں۔
 ایمرسن یونیورسٹی