عام انتخابات میں مسلم لیگ(ن)ہی کامیاب ہوگی: توفیق بٹ

قلعہ دیدارسنگھ(نمائندہ خصوصی) ممبر صوبائی اسمبلی توفیق بٹ،ڈویژنل نائب صدر مسلم لیگ(ن) اسامہ نصر وڑائچ نے کہا ہے کہ عام انتخابات میں مسلم لیگ(ن)کی فتح ہوگی،عمران نیازی کے لانگ مارچ کا مقصد آرمی چیف کی سلیکشن پراثرانداز ہونا ہے۔ ان خیالات کااظہار انہوں نے سینئر نائب صدر مسلم لیگ (ن) گوجرانوالہ حماد المعروف بٹو ڈار سے دوران ملاقات کیا۔ انہوں نے کہاکہ آرمی چیف کی تعیناتی متنازع بنانے کا فائدہ دشمنوں کو ہو گا، الیکشن 2023 میں عوام کا مینڈیٹ چوری نہیں ہونے دینگے۔ عمران نیازی کے دھرنے اور لانگ مارچ کا واحد مقصد آرمی چیف کی سلیکشن پر اثرانداز ہونا ہے، وزیراعظم اہلیت اور قابلیت کو دیکھ کر آرمی چیف کی تقرری کریں گے، عمران نیازی کی ہر بات توشہ خانہ سے لے کر امریکی سازش سمیت پرہر بات جھوٹی ثابت ہوئی ہے۔