سرگودھا (نمائندہ خصوصی) اینٹوں کا بوجھ برداشت نہ کرتے ہوئے گرنے والی بوسیدہ چھت کے ملبہ تلے دب کر 35 سالہ خاتون اپنی تین بچیوں سمیت جاںبحق اور شوہر شدید زخمی ہو گیا جن کو ریسکیو کر کے ہسپتال منتقل کر دیا گیااس واقعہ میں ایک ساتھ چار اموات پر ہر آنکھ اشکبار تھی۔ذرائع کے مطابق لاہور روڑ کے علاقہ چک سیدوانہ میں محمد سیلم کے مکان کی چھت پر اینٹیں پڑی ہوئی تھیِں جن کا بوجھ برداشت نہ کرتے ہوئے ایک کمرہ کی بوسیدہ چھت گرنے سے میاں بیوی اپنے تین بچوں سمیت ملبہ تلے دب گے جن میں 35 سالہ ماں افزاءبی بی اس کی تین بچیاں 7 سالہ مینہ فاطمہ،4 سالہ معراج فاطمہ،3 سالہ حرم فاطمہ جاںبحق اور شوہر محمد سلیم شدید زخمی ہو گیا جن کو ریسکیو کر کے ڈی ایچ کیو ہسپتال منتقل کر دیا گیا۔