وزارت ہوا بازی کی ویب سائٹ مکمل غیر فعال، تمام معلومات غائب

راولپنڈی (اکمل شہزاد، سٹاف رپورٹر) وزارت ہوا بازی کی ویب سائٹ مکمل غیر فعال ہوگئی۔ تمام معلومات غائب ہو گئیں۔ اطلاعات کے مطابق وزارت ہوا بازی کی ویب سائٹ کو ہیک کیا گیا تھا جس کو آئی ٹی ماہرین نے بحال کیا لیکن کچھ دیر کے بعد دوبارہ ہیک کر کے تمام معلومات کو غائب کر دیا گیا۔ ذرائع کے مطابق وزارت ہوا بازی کے آئی ٹی ماہرین نے ویب سائٹ پر پہلے سائبر حملے کے بعد بحالی کا کام شروع کیا اور بحال کر دیا تاہم کچھ گھنٹے گزرنے کے بعد ایک اور سائبر حملہ ہوا جس کے بعد سے وزارت ہوا بازی کی ویب سائٹ مکمل غیر فعال ہوگئی۔