پارلیمنٹ حملہ کیس: تفتیشی افسر نے اسد عمرکے خلاف مقدمہ واپس لے لیا

اسلام آباد ( نوائے وقت رپورٹ) پاکستان ٹیلی ویڑن (پی ٹی وی) اور پارلیمنٹ پر حملے کے کیس میں تفتیشی افسر نے سابق وفاقی وزیر اسد عمر کے خلاف مقدمہ واپس لے لیا۔اسلام آباد کی ڈسٹرکٹ اینڈ سیشن کورٹ کے جج عبدالغفور کاکڑ نے سابق پی ٹی ا?ئی رہنما اسد عمر کے خلاف پی ٹی وی اور پارلیمنٹ حملہ کیس کی سماعت کی، وکلا صفائی اور تفتیشی افسرعدالت میں پیش ہوئے۔دوران سماعت تھانہ سیکرٹریٹ کی پولیس نے سیشن عدالت میں اہم بیان دے دیا، تفتیشی افسر نے کہا کہ اسد عمر کی مقدمہ میں گرفتاری مطلوب نہیں ہے۔پولیس بیان کے بعد اسد عمر کے وکلا سردار مصروف، آمنہ علی نے درخواست ضمانت واپس لے لی، عدالت نے تفتیشی افسر کے بیان کی روشنی میں اسد عمر کی درخواست ضمانت نمٹا دی۔