آسٹریلیا کے مغربی علاقے میں مختلف مقامات پر جنگلات میں ایک بار پھر خوفناک آگ بھڑک اُٹھی، جس کے باعث گرمی کی شدت میں مزید اضافہ ہوگیا ہے۔
بین الاقوامی خبر رساں ادارے کی رپورٹ کے مطابق آسٹریلیا کے شہر پرتھ کے نواحی علاقے میں جنگلات میں آگ لگنے سے متعدد گھر تباہ ہوگئے، جبکہ ریسکیو کے حکام امدادی سرگرمیوں میں مصروف عمل ہیں۔
محکمہ موسمیات کے مطابق آگ لگنے کے بعد آسٹریلیا کے مغربی علاقے میں درجہ حرارت 40 ڈگری سینٹی گریڈ تک پہنچنے کا امکان ظاہر کیا جارہا ہے۔
حکام کا کہنا ہے کہ شدید موسمی حالات کے باعث آگ تیزی سے پھیل سکتی ہے، جس کی لپیٹ میں کئی آبادیاں بھی آ سکتی ہیں۔
اس سے قبل کینیڈا برٹش کولمبیا کے جنگلات میں آگ کی شدت میں اضافے کے باعث فوج کی خدمات حاصل کرلی گئیں تھیں.
وزیراعظم جسٹن ٹروڈو کا کہنا تھا کہ وفاقی حکومت شہریوں کے انخلا کے لیے فوج بھیج رہی ہے۔
تیزی سے پھیلنے والی آگ کے باعث حکومت نے 35 ہزار افراد کے انخلا کے احکامات جاری کئے گئے تھے
