سہ ملکی انڈر 19 کرکٹ سیریز‘پاکستان ‘امارات کو ہرا کر فائنل میں پہنچ گیا

لاہور(سپورٹس رپورٹر)پاکستان انڈر19 نے میزبان متحدہ عرب امارات انڈر19 کو 191 رنز  سے شکست دیکر فائنل کیلئے کوالیفائی کر لیا۔پاکستان انڈر 19 ٹیم نے ٹاس جیت کر پہلے بیٹنگ کا فیصلہ کیا۔پاکستانی ٹیم نے مقررہ پچاس اوورز میں پانچ وکٹوں کے نقصان پر 314 رنز بنائے۔ شاہ زیب خان نے 71 اور فرحان یوسف نے 63 رنز کی اننگز کھیلی۔ نور اللہ ایوبی اور اودیش سوری نے دو دو وکٹیں حاصل کیں۔ یواے ای انڈر 19 کی ٹیم 36.5 اوور میں 123 رنز بنا کر آئوٹ ہو گئی۔ اودیش سوری 32 رنز بنا کر نمایاں رہے۔ عمر زیب نے چار اور نوید احمد خان نے  تین وکٹیں حاصل کیں۔فہام الحق نے بیٹنگ میں 37 رنز کے ساتھ دو وکٹیں بھی حاصل کیں۔ایونٹ کا فائنل منگل کو پاکستان اور افغانستان کے درمیان کھیلا جائیگا۔