چیف آف ایئر سٹاف سکواش ٹورنامنٹ نور زمان نے جیت لیا

لاہور+اسلام آباد (سپورٹس رپورٹر)چیف آف ایئر سٹاف انٹرنیشنل سکواش ٹورنامنٹ کا ٹائٹل نور زمان نے جیت لیا۔ 15ہزار ڈالر انعامی رقم کے حامل ٹورنامنٹ کا فائنل ناصر اقبال اور نور زمان کے درمیان کھیلا گیا ۔پہلے سیٹ میں نور زمان نے ہم وطن ناصر اقبال کو آٹھ کے مقابلے میں گیارہ سکور سے ہرایا۔ دوسرے سیٹ میں نور زمان نے ناصر کو دس کے مقابلے میں بارہ سکور سے شکست دے کر برتری قائم کرلی تیسرے سیٹ میں نور زمان نے ناصر اقبال کو نو کے مقابلے میں گیارہ سکور سے شکست دیکر ٹائٹل اپنے نام کر لیا۔مہمان خصوصی ایئر مارشل شکیل غضنفر نے کھلاڑیوں میں انعامات تقسیم کئے۔