دوست کے ہاتھوں سے پٹرول کی آگ سے جھلسنے والی خاتون دم توڑ گئی

لاہور(نامہ نگار)مناواں کے علاقے میں نکاح کرنے کے اصرارپر دوست کے ہاتھوں پٹرول چھڑک کر آگ لگانے سے جھلسنے والی خاتون جناح ہسپتال میں دم توڑ گئی ۔ سعدیہ نامی خاتون شوہر سے طلاق لینے کے بعد دوست حسن کے گھر پر رہائش پذیر تھی۔سعدیہ نے حسن سے کہا کہ وہ اسکے ساتھ نکاح کرے۔حسن نے نکاح کرنے سے انکار کیا تو دونوں میں جھگڑا ہوا۔ حسن نے طیش میں آکر سعدیہ پر پٹرول چھڑک کر آگ لگا دی اور موقع سے فرار ہو گیاتھا۔سعدیہ کو جھلسی ہوئی حالت میں جناح ہسپتال منتقل کر دیاگیاتھاجہاں وہ گزشتہ روز زخموں کی تاب نہ لاتے ہوئے جاں بحق ہوگئی ۔پولیس نے نعش پوسٹ مارٹم کیلئے مردہ خانے منتقل کر کے تفتیش شروع کردی ۔