نوشہرہ ورکاں : خاتون کو راستہ میں روک کر ہراساں کرنیوالے پر مقدمہ

نوشہرہ ورکاں (نامہ نگار) نواحی گاؤں کیکرانوالی میں خاتون کو ہراساں کرنے کا معاملہ، پولیس نے تحقیقات شروع کر دیں۔ کیکرانوالہ کی رہائشی زیب النساء نے نوجوان اویس بشیر پر راستہ روک کر گالم گلوچ اور جان سے مارنے کی دھمکیاں دینے کا الزام عائد کیا ہے۔ خاتون کے مطابق وہ بازار سے سودا سلف لینے کے بعد واپس گھر جا رہی تھی کہ اویس بشیر نے راستہ میں روک کر اینٹ سے حملہ کیا لیکن خاتون بچ گئی ۔ خاتون کے مطابق ملزم پہلے بھی بدتمیزی اور مارنے کی دھمکی دے چکا ہے۔پولیس نے خاتون کی شکایت پر رپورٹ درج کر کے انکوائری شروع کر دی ہے۔