آپریشنل مسائل کے باعث 2 پروازیں منسوخ، 23 میں تاخیر ہوئی: حکام 

کراچی (این این آئی)آپریشنل مسائل کے باعث ملک میں 2 پروازیں منسوخ اور 23 میں تاخیر ہوئی ہے۔فلائٹ شیڈول کے مطابق ملتان دوحہ کی غیر ملکی ایئر لائن کی پروازیں کیو آر 616 اور 617 منسوخ کر دی گئی ہیں۔کراچی تا لاہور 3 پروازوں کی آمد اور روانگی میں تاخیر کر دی گئی۔واضح رہے کہ گزشتہ کئی دنوں سے آپریشنل مسائل اور دھند کی وجہ سے ملک کے مختلف ایئر پورٹس پر فلائٹس میں تاخیر اور منسوخی کا سلسلہ جاری ہے۔