سی بی اے کے زیراہتمام اجلاس ،بیروزگاری ،غربت کاخاتمہ ضروری :خورشید احمد 

لاہور(نیوز رپورٹر) آل پاکستان واپڈا ہائیڈرو الیکٹرک ورکرزیونین سی بی اے کے زیراہتمام بہت بڑا اجلاس بختیار لیبرہال لاہورمیں زیر صدارت عبدالطیف نظامانی صدر یونین منعقد ہوا جس میں سینکڑوں کارکنوں نے شرکت کی۔ اجلاس میں پبلک سروسز انٹرنیشنل کی ریجنل سیکرٹری ایشیاء و پیسیفک مادام کیٹ لیپن نے بطور مہمان خصوصی شرکت کی۔اجلاس کو خورشیداحمد جنرل سیکرٹری نے حکومت سے مطالبہ کیا کہ کارکنوں کو کام پر المناک حادثات ، پیشہ وارانہ بیماریوں اور ملک میں عام بیروزگاری اور شدید غربت دور کرنے کی ضرورت ہے۔ کارکنوں کی تنظیم سازی و اجتماعی سودا کاری کے بنیادی حقوق آئی ایل او کے تسلیم شدہ اصولوں اور آئین پاکستان پر عمل درآمد وقت کا اہم تقاضہ ہے۔ اجلاس کو مادام کیٹ لیپن برائے ایشیاء و پیسیفک پبلک سروسز انٹرنیشنل نے کہاپاکستان میں ٹریڈیونینوں کی کامیابی کیلئے نیک تمنائوں کا اظہار کرتے ہوئے حکومت پاکستان کو واضح کیا کہ وہ ملک میں بے روزگاری دور کرنے اور انتظامیہ و کارکنوں کے مابین خوشگوار صنعتی تعلقات کو فروغ دیں۔