حافظ آباد میں پولیس مقابلہ، ڈاکو ہلاک، اہلکار زخمی 

حافظ آباد (نمائندہ نوائے وقت) پولیس مقابلہ میں ایک ڈاکو ہلاک  ہو گیا جبکہ دوسرے کو شدید زخمی حالت میں گرفتار لیا گیا جبکہ ایک پولیس ملازم بھی شدید زخمی ہو گیا۔ تفصیلات کے مطابق تین ڈاکو قلعہ رام رنگ پر واقع سڑک  پر ناکہ لگا کر  لوٹ رہے تھے کہ پولیس  پہنچ گئی جس پر ڈاکوؤں نے  فائرنگ کر دی۔  پولیس نے بھی  فائرنگ کی تو اس دوران احمد نامی ڈاکو ہلاک  ہو گیا جبکہ اس کا ساتھی زخمی حالت میں گرفتار کر لیا گیا۔  ڈاکوؤں کی فائرنگ سے دل میر نامی  ایک پولیس اہلکار بھی شدید زخمی ہو گیا۔ زخمی ہونے والے ڈاکو  اور پولیس اہلکار دونوں کو ٹراما سینٹر منتقل کر دیا گیا ہے۔