راولپنڈی (اپنے سٹاف رپورٹر سے )تھانہ ریس کورس کے علاقے میں نوجوان کو فائرنگ کرکے قتل کردیا گیا مقتول کے چچا قیصر محمود نے پولیس کو بتایا کہ میرا بھتیجا طیب فیصل سکنہ ریلوے سکیم 7 گھر میں میرے ساتھ موجود تھا جس کواس کے دوست محمد یوسف نے ویسٹریج کے علاقے میں بلوایا کچھ دیر بعد ہمیں اطلاع ملی کہ طیب فیصل کو کسی نے فائرنگ کرکے زخمی کیا ہے جو ڈسٹرکٹ ہیڈ کوارٹر ہسپتال کی ایمرجنسی میں ہے ہم وہاں پہنچے تو اسی دوران میرا بھتیجا طیب فیصل فوت ہو چکا تھا میرے بھتیجے کو ملزمان نے فائرنگ کرکے ناحق قتل کیا ہے وجہ عناداپنے بھتیجے طیب فیصل کیساتھ دوستی سے محمد یوسف کو منع کیا تھاجس نے کسی دیگر کے ساتھ ملکر ناحق قتل کیا یا کروایا ہے پولیس نے مدعی کے بیان پر مقدمہ درج کرکے تفتیش شروع کر دی.