پیپلز پارٹی عوامی جماعت، جب بھی اقتدار میں آئی عوام کو ریلیف ملا ، خالد نواز بوبی

راولپنڈی(اپنے سٹاف رپورٹر سے)پاکستان پیپلز پارٹی پنجاب کے نائب صدر ملک خالد نواز بوبی نے کہا ہے کہ پاکستان پیپلز پارٹی جب بھی اقتدار میں آئی عوام کو ریلیف ملا  پیپلز پارٹی عوامی جماعت ہے چیئرمین بلالول بھٹو زرداری عوام کا درد رکھنے والے نوجوان ہیں صدر آصف علی زر داری  استحکام پاکستان کی سیاست کرتے ہیں  پیپلز پارٹی کے امید وار نے کینٹ کے الیکشن میں بھر پور حصہ لیکر ریکارڈ ووٹ لئے 30نومبر کو پیپلز پارٹی کا یوم تاسیس جوش و خروش سے منایا جائے گا۔ ان خیالات کا اظہار انہوںنے مصریال روڈ چمن آباد نمبر دارمحمد ا نعام ملک کے گھر  پرپرچم  لہرائو  اور یوم تاسیس کی تیاریوںکے حوالے سے تقریب سے خطاب کرتے ہوئے کیا۔ اس موقع پر کینٹ کے جنرل سیکرٹری ملک قاسم ادریس، شیخ امجد حسین نقشبندی، یاد  میر خان، حاجی ناظم بٹ، ظہیر الزمان، نمبر دار محمد انعام ملک، حاجی گستاب حسین، محمد اسامہ بیک،  اور دیگر بھی موجود تھے۔ ملک قاسم ادریس نے کہا کہ ہم اپنی سیاسی و جمہوری ذمہ داریاں ادا کرنے کے لیے پرعزم ہیںپیپلز  پارٹی کے یوم تاسیس کے روز تمام اضلاع میں پارٹی فائونڈیشن ڈے کے عنوان سے سیمینار منعقد کیے جائیں گے۔نمبر دار محمد انعام ملک نے کہا کہ پیپلز پارٹی آج بھی عوام کی حقوق کی ترجمانی کرنے والی سیاسی جماعت ہے۔