سی آئی ڈی پولیس نے کراچی کے علاقے لیاقت آباد میں خفیہ اطلاع پرایک مکان میں چھاپہ مارکرٹارگٹ کلنگ میں ملوث برطرف پولیس اہلکاربلال ظفرکواس کے ساتھیوں محمد حنیف، بابرممتازاورمحمد اسد کو گرفتارکرلیا۔ ملزموں کے قبضے سے ایک سرکاری کلاشنکوف، ایک ایٹ ایم ایم رائفل، ایک نائن ایم ایم پستول، ایک خنجراوردو موٹرسائیکلیں برآمد کی گئی ہیں۔ ایس ایس پی سی آئی ڈی فیاض خان کے مطابق ملزموں نے موٹرسائیکلیں زمان ٹاؤن کے علاقے سے چھینی تھیں جوٹارگٹ کلنگ کی وارداتوں میں استعمال کی گئیں۔ پولیس کے مطابق چاروں ملزم لیاقت آباد تھانے کے محررجاوید ، منصورعاصم ،کلیم احمد ،کاشف رشید، محمد ظفراورماہرخان سمیت متعدد افراد کے قتل میں ملوث ہیں، ملزموں سے مزید تفتیش کی جارہی ہے اوراہم انکشافات متوقع ہیں۔