جوہانسبرگ (اے پی پی) جنوبی افریقہ کی کرکٹ ٹیم آئندہ ماہ آسٹریلیا کا دورہ کرے گی جہاں وہ تین ٹیسٹ میچوں کی سیریز کھیلے گی۔ جنوبی افریقن ٹیم دورہ کا آغاز آسٹریلیا اے کے خلاف تین روزہ میچ سے کرے گی، جنوبی افریقہ اور آسٹریلیا کے درمیان پہلا ٹیسٹ میچ 9 سے 13 نومبر تک برسبین، دوسرا 22 سے 26 نومبر تک ایڈیلیڈ جبکہ تیسرا اور آخری ٹیسٹ 30 نومبر سے 4 دسمبر تک پرتھ میں کھیلا جائے گا۔ جنوبی افریقہ ٹیسٹ کی عالمی درجہ بندی میں پہلے نمبر پر براجمان ہے۔ پروٹیز نے انگلینڈ کو ہوم ٹیسٹ سیریز میں شکست دے کر ٹیسٹ کرکٹ میں حکمرانی قائم کی تھی۔