پیرس (اے پی پی)کویت نے فرانس کے ساتھ ڈھائی بلین یورو کے ایک معاہدے پر دستخط کر دیئے ہیں جس کے تحت فرانس کویت کو کاراکل ہیلی کاپٹر مہیا کرے گا۔ ذرائع ابلاغ کے مطابق اس ڈیل کے تحت ایک ارب یورو مالیت کے 24 ہیلی کاپٹر کویت کو مہیا کئے جائیں گے۔
جبکہ کویت مستقبل میں اسی ڈیل کے تحت مزید چھ ہیلی کاپٹر بھی حاصل کر سکے گا۔ اس معاہدے کے تحت فرانس کم وزنی عسکری گاڑیاں اور پٹرولنگ بوٹس بھی کویت کو مہیا کرے گا۔ واضح رہے کہ ایک ماہ قبل کویت نے 28 ٹائیفون جنگی طیارے خریدنے کا اعلان بھی کیا تھا۔