ماسکو (آن لائن)روس کے علاقے سائبیریا کے شمال مغربی علاقے میں ہیلی کاپٹر تباہ ہونے سے 19افراد ہلاک جبکہ تین کو زندہ بچا لیا گیا۔ سائبیریا کے شمال مغربی علاقے میں ایم آئی 8فوجی ہیلی کاپٹر گر کر تباہ ہو گیا حادثہ خراب موسم کی وجہ سے پیش آیا۔روسی ایمرجنسی سروسز کا کہنا ہے کہ ہیلی کاپٹرکریش لینڈنگ کا شکار ہوا تاہم زخمیوں کو فوری طور پر ایئر ایمبولینس کے ذریعے ہسپتال منتقل کر دیا گیا ہے اور جائے حادثہ پر ریسکیو آپریشن تاحال جاری ہے۔ریسکیو ٹیموں نے ہیلی کاپٹر کے دو بلیک باکس بھی تلاش کر لیے ہیں۔