بھارت نے ایشیا کپ ہاکی ٹورنامنٹ جیت لیا‘ پاکستان کوریا کو ہرا کر تیسرے نمبر پر رہا

لاہور (نمائندہ سپورٹس) ایشین ہاکی کپ میں پاکستان نے جنوبی کوریا کو 6-3 سے مات دیکر تیسری پوزیشن لے لی۔تفصیلات کے مطابق ایشیا ہاکی کپ میں پاکستان نے جنوبی کوریا کو 6-3 سے مات دیکر تیسری پوزیشن حاصل کرلی ہے جب کہ بھارت نے ملائیشیا کو 2-1 سے قابو کرتے ہوئے چیمپئن بننے کا اعزاز پالیا۔واضح رہے گزشتہ روز بھارت نے پاکستان کو فیصلہ کن میچ میں ہرا کر ایشیا ہاکی کپ کے فائنل سے باہر کردیا ۔