کینیا، ہیلی کاپٹر جھیل نکارومیں گرنے سے 5افراد ہلاک

کینیا (اے این این) مشرقی افریقی ملک کینیا میں ہیلی کاپٹر حادثہ میں 5 افراد ہلاک ہو گئے ہیں۔ غیر ملکی میڈیا رپورٹس کے مطابق یہ ہیلی کاپٹر صدارتی الیکشن کی انتخابی مہم میں شامل افراد کے زیر استعمال تھا۔ ایک ہوٹل سے پرواز کرنے کے فوری بعد یہ جھیل نکارو میں گر گیا۔مقامی انتظامیہ کے مطابق ہیلی کاپٹر پر سوار تمام 5 افراد میں سے کسی کے بھی بچنے کی امید نہیں ہے۔جھیل میں گرے ہیلی کاپٹر اور لاشوں کی تلاش شروع کر دی گئی ہے۔