ہم نے احتجاج ضرورکیا کبھی گلا نہیں پکڑا، میزنہیں توڑے:اسپیکرپنجاب اسمبلی چوہدری پرویز الہیٰ

لاہور میں میڈیا سے گفتگو کرتے ہوئے اسپیکر پنجاب اسمبلی نے کہا کہ نوازشریف پرکیسزان کے دورحکومت میں ہی بنے، نوازشریف پرکیسزمیں پنجاب اسمبلی یا اسپیکرکا کیا قصورہے۔انہوں نے کہا کہ حمزہ شہبازنے اسپیکرکے خلاف جیسی زبان استعمال کی ریکارڈ دیکھ لیں، پنجاب اسمبلی میں کیا ہوا ریکارڈ دیکھ لیں میں نے اپنا جمہوری حق ادا کیا۔اسپیکر پنجاب اسمبلی نے کہا کہ یہ لوگ جس راستے پرچل پڑے ہیں ان کومعلوم ہی نہیں نتیجہ کیا ہوگا، پنجاب اسمبلی میں توڑپھوڑسے جو نقصان ہوا وہ ان کودینا پڑے گا۔پرویزالٰہی نے کہا کہ گزشتہ حکومت میں پی ٹی آئی ممبران نے کبھی میزنہیں توڑے، ہم نے احتجاج ضرورکیا کبھی گلا نہیں پکڑا، میزنہیں توڑے۔انہوں نے کہا کہ ن لیگ کے اسپیکرپنجاب اسمبلی نے 3 مرتبہ پی ٹی آئی ممبران کواسمبلی سے نکالا، جواقدامات کیے جا رہے ہیں اس کے ثمرات جلدعوام کونظرآئیں گے۔