لاہور(کلچرل رپورٹر) لاہورآرٹس کونسل الحمراء نے ’’الحمراء آن ویل‘‘ کے تحت سٹریٹ تھیٹر کی شکل میں آگہی ڈرامہ ’’جہیز‘لاہورکالج فارویمن یونیورسٹی میں پیش کیا۔ڈرامے کو ہزاروں کی تعداد میں طالبات نے دیکھا اور سبق آموزڈرامے سے آگہی حاصل کی،لاہورکالج فاریمن یونیورسٹی کی طالبات ڈرامہ میں اداکاروں کی اعلی ٰ پرفارمنس پر زبردست داد دیتی رہیں ۔ایگزیکٹوڈائریکٹر لاہورآرٹس کونسل الحمراء اطہر علی خان نے کہا کہ الحمراء لوگوں کو معیاری تفریح ،اپنی صلاحیتوں کو منوانے کے مواقع فراہم کرنے کے ساتھ ساتھ مختلف معاشرتی موضوعات پر آگہی بھی فراہم کررہا ہے۔