کابل (نوائے وقت رپورٹ) بین الافغان امن مذاکرات کا دو روزہ اجلاس آئندہ ہفتے چین میں ہو گا۔ ترجمان افغان طالبان سہیل شاہین کے مطابق بین الافغان امن مذاکرات کا نیادور 28 اور 29 اکتوبر کو ہو گا۔ امریکی میڈیا کے مطابق دوحہ میں ہوئے مذاکرات کے بعد سے یہ طالبان‘ افغان رہنماؤں کے درمیان ہونے والی پہلی میٹنگ ہو گی۔ امریکی محکمہ خارجہ نے بیان دیا تھا کہ زلمے خلیل زاد روسی اور چینی نمائندوں سے ملاقات کریں گے۔