لندن(پی پی آئی)فٹبال چیمپئنز لیگ میں بائرن میونخ نے اٹلیٹکو میڈرڈ کو چار صفر کی شکست سے دوچار کر دیا، کلب میں نئی انٹری ڈالنے والے سپراسٹار لوئس سوآریز ٹیم کو شکست سے نہ بچا سکے۔اسپینش ٹیم کو جوائن کرنے والے لوئس سوآریز کھل کر نہ کھیل سکے، گول کرنے سے محروم رہے جس سے سپر اسٹار کے پرستار مایوس ہو گئے۔دفاعی چیمپئن بائرن میونخ نے مسلسل بارہویں فتح سمیٹ کر حریف ٹیموں کے لیے خطرے کی گھنٹی بجا دی۔