پاکستان کرکٹ ٹیم، پریکٹس میچ میں گرینز نے وائیٹ کو 20 رنز سے ہرا دیا

لاہور( سپورٹس رپورٹر ) قذافی سٹیڈیم لاہور میں کھیلے گئے میچ میں پاکستان گرین نے پاکستان وائیٹ کو 20 رنز سے ہرا دیا۔ 300 رنز کے تعاقب میں پاکستان وائیٹ کی پوری ٹیم 49.1 اوورز میں 279 رنز بنا کر آؤٹ ہوگئی ۔محمد حفیظ نے 69 اور حیدر علی نے 61 رنز بنائے۔شاہین شاہ آفریدی نے 2 اور محمد حسنین نے ایک وکٹ حاصل کی۔ پاکستان گرین نے مقررہ پچاس اوورز میں 5 وکٹوں کے نقصان پر 299 رنز بنائے تھے۔عابد علی 81 رنز بنا کر ٹاپ سکور رہے تھے۔ محمد رضوان 76 رنز بنا کر ناٹ آؤٹ رہے۔ پاکستان وائیٹ کے وہاب ریاض نے 2 وکٹیں حاصل کیں۔ تربیتی کیمپ میں ہفتہ کو آرام کا دن ہے۔