عنقریب اپنے عہدے سے سبکدوش ہونے والی جرمن چانسلر انجیلا میرکل نے خواتین پر زور دیا ہے کہ وہ سیاست میں آئیں۔غیرملکی خبررساں ادارے کے مطابق انہوں نے کہا کہ موجودہ دور میں سیاست کے میدان میں صرف مردوں کی فوقیت درست نہیں، عورتوں کو بھی آگے آنا چاہیے۔ انہوں نے یہ بھی کہا کہ عورتوں کو زیادہ پر اعتماد بنانے کی ضرورت ہے۔ قدامت پسند جرمن سیاسی جماعت کرسچیئن ڈیموکریٹن یونین سے وابستہ انجیلامیرکل سولہ برس سے جرمن چانسلر ہیں۔ نئی حکومت کے قیام کے بعد وہ یہ عہدہ چھوڑ رہی ہیں۔ میرکل کو عالمی سطح پر اپنے وقت کی نمایاں سیاستدان کے طور پر دیکھا جاتا ہے۔