جھنگ پولیس نے سکول سے اغواء ہونے والی 4 سالہ بچی کو بازیاب کرالیا

جھنگ ( نامہ نگار)پولیس تھانہ کوتوالی نے سکول سے اغواء ہونے والی 4 سالہ بچی کو بازیاب کر اکراغواء کارسیکورٹی گارڈ مظہر کو شورکوٹ سے گرفتارکرلیا ۔ تفصیلات کے مطابق  20 اکتوبر کو حالی ماڈل سکول بھکر روڈ پرسے 4 سالہ زوبیہ کے اغواء کا معاملہ پیش آیا۔4 سالہ زوبیہ کی والدہ بچی کو سکول چھوڑ کر آئی، چھٹی کے وقت سکول لینے گئی تو بچی کو سکول میں نہ موجود پایا۔واقعہ کی اطلاع پر پولیس پہنچی اور سکول پرنسپل سے پوچھ گچھ کی جس نے بتایا کہ سکول سکیورٹی گارڈمظہر نے بتلایا کہ زوبیہ کو اسکی والدہ لینے آئی ہے جس پر بچی کو سکیورٹی گارڈ کے ساتھ بھیجوادیا ۔ پولیس نے گارڈ مظہر کے خلاف اغواء کامقدمہ درج کر کے تفتیش کا آغا ز کیا اور اسے شورکوٹ سے گرفتار کر لیا اورمغوی بچی کو بازیاب کر کے لواحقین کے حوالے کیا گیا۔گرفتار ملزم سے مزید تفتیش کا عمل جا ری ہے۔ ڈی پی او جھنگ محمد راشد ہدایت نے تفتیشی ٹیم کی کامیابی پر انعام اور تعریفی سرٹیفکیٹ کا اعلان کیا۔