پاکستان ‘بھارت کرکٹ ٹیموں کی پریکٹس دیکھنے ہزاروں لوگ امڈ آئے

لاہور(سپورٹس رپورٹر)پاکستان اور بھارت کے درمیان میچ چاہے دنیا کے جس کونے میں ہوں کرکٹ سے محبت کرنے والے انہیں سپورٹ کرنے کےلئے پہنچ جاتے ہیں۔ شائقین کی بڑی تعداد پریکٹس سیشن دیکھنے کیلئے آگئی، اس موقع پر پاکستانی صحافی کا کہنا تھا کہ کم ازکم 2 سے 3 ہزار پاکستانی اور بھارتی شائقین صرف پاکستان بھارت پریکٹس سیشن کو دیکھنے کیلئے آگئے۔ شائقین کے جوش و خروش کو دیکھ کر اندازہ لگایا جاسکتا ہے کہ میچ میں کتنا جوش ہوگا۔بھارتی صحافی کا کہنا تھا کہ آج ہلکی سی بارش ہوئی اور اب مکمل دھوپ ہے، دونوں ٹیموں نے ٹریننگ کی جوکہ کل تک موسم کے باعث مشکل نظر آرہا تھا۔