کراچی(نیوز رپورٹر) شہری کا موبائل چھیننے والے ڈاکوں کو لینے کے دینے پڑگئے، شہری نے ڈاکو کو دھکا دیکر نیچے گرا دیا اور دبوچ لیا۔تفصیلات کے مطابق کراچی میں کشمیرروڈ پر شہری نے ڈکیتی کی کوشش ناکام بنادی، شہریوں نے تشدد کے بعد ڈاکو کو پولیس کے حوالے کردیا۔واردات کی سی سی ٹی وی فوٹیج میں دیکھا جا سکتا ہے کہ ملزمان کی شہری سے بغیراسلحہ کے موبائل چھیننے کی کوشش کی۔فوٹیج میں دکھایا گیا ہے کہ ملزمان شہری کو اکیلا دیکھ کر موٹرسائیکل روکتے ہیں ، ایک ڈاکو اتر کرموبائل چھینتا ہے لیکن ڈاکوں کو شہری دھکا دیکر نیچے گرا دیتا ہے۔جس کے بعد شہری ایک ڈاکو کو دبوچ لیتا ہے جبکہ دوسرا فرار ہوجاتا ہے۔
لینے کے دینے 
عمران خان کے خلاف الیکشن کمیشن
 کا فیصلہ متعصبانہ ہے، عرفان میمن
کراچی (نیوز رپورٹر) آل پاکستان مسلم لیگ کے مرکزی سیکریٹری اطلاعات و ینگ میمن گلوبل ونگ کے نائب صدرعرفان میمن نے کہا ہے کہ عمران خان کے خلاف الیکشن کمیشن کا متعصبانہ فیصلہ ناقابل قبول ہے۔ قوی امکان ہے کہ اعلی عدالتیں الیکشن کمیشن کے اس فیصلے کو کالعدم قرار دے دیں گی۔ نااہلی کے اس فیصلے سے عمران خان کی مقبولیت میں اضافہ ہی ہوگا۔ انہوں نے کہا کہ عمران خان اور ان کی ٹیم کو بھی یہ سمجھ لینا چاہئے کہ انہوں نے جو غلطیاں کی ہیں اس کا خمیازہ دراصل قوم کو ہی اٹھانا پڑ رہا ہے۔
عرفان میمن