ٹنڈوآدم(نامہ نگار)سیارہ خانم میموریل اسکول ٹنڈوآدم برانچ کے زیراہتمام میلادالنبی کے سلسلے میں محفل میلاد کا انعقاد کیا گیا۔ میلادالنبی اور ضیافت میلاد کی سا منفرد تقریب کے میزبان 7سال سے کم عمر بچے ور بچیاں تھیں۔ اسکول کے ننھے منے طلباء اور طالبات نے خوبصورت انداز میں نعت بحضور سرور کونین پیش کر کے بے پناہ داد وصول کی۔ اس موقع پر خطاب کرتے ہوئے میڈیم ناجیہ آصف نے کہا کہ اسکول کی ساری ٹیم کو شاندار تقریب کے انعقاد پر مبارکباد پیش کرتی ہوں۔ محفل میں موجود بچیوں نے خوبصورت جھلمل کرتے رنگوں سے لکھے کلمہ طیبہ اور احادیث نبوی کے کارڈز، بینڈز اور روشن برقی لائٹس اٹھا رکھی تھیں۔ بچوں اور بچیوں نے رنگ برنگے خوبصورت لباس اور نعلین پاک کے بیجز لگا رکھے تھے محفل پاک میں موجود بچیوں اور بچوں نے کلمہ طیبہ، آمد مصطفی مرحبا مرحبا نعلین پاک کی شبیہ والے جھنڈے اٹھا رکھے تھے۔ بچیاں پھولوں کے گجرے پہن کر اور درود وسلام پڑھ کر محبت رسول کا اظہار کر رہی تھیں۔