حافظ آباد(نمائندہ خصوصی+نامہ نگار+نمائندہ نوائے وقت)لوکل گورنمنٹ پنجاب کے سکیل نمبر1تا19کے ملازمین کو سپیشل الائونس دیئے جانے کی منظوری پر ملازمین نے شاہین لوکل گورنمنٹ وررکرز اینڈ سٹاف فیڈریشن کے صوبائی چیئرمین اسحق کھوکھر کی کاوشوں اور جہدوجہد کو زبردست خراج تحسین پیش کیا ہے اور کہا ہے کہ انہوںنے ملازمین کو مذکورہ الائونس دلوانے کے لئے  مثالی کردار اداکیا ۔اس سے پنجاب بھر کے لوکل گورنمنٹ کے ملازمین میں خوشی کی لہر دوڑ گئی ہے ۔ ملازمین نے مزید کہا کہ اسحق کھوکھر اپنی ذات میں ایک انجمن ہے۔ جس نے اپنی زندگی مزدوروں اور ملازمین کے لئے وقف کررکھی ہے۔ ملازمین اسحق کھوکھر کی خدمات کو کبھی بھی فراموش نہیںکریں گے۔