ملتان، میاں چنوں، مظفر گڑھ ( نمائندہ نوائے وقت، سپیشل رپورٹر،خبر نگار، نامہ نگار ) عمران کی نااہلی پر ن لیگ، پی پی رہنمائوں کا جشن، مٹھائیاں تقسیم  ملتان سے نمائندہ نوائے وقت  کے مطابق مسلم لیگ ن کے ڈویژنل جنرل سیکرٹری و سابق ایم این اے شیخ طارق رشید کی جانب سے عمران خان کی توشہ خانہ کیس میں نااہلی کی خوشی میں گھنٹہ گھر چوک پر مٹھائی تقسیم کی گئی اور آتش بازی کامظاہرہ کیا گیا اس موقع پر لیگی متوالوں نے ڈھول کی تھاپ پر بھنگڑے ڈالے جبکہ اس موقع پر ضلعی صدر بلال بٹ ،ملک انور علی، سعد کانجو، بابر شاہ، سلطانہ شاہین ،شاہین شفیق، افشین بٹ، فہمیدہ چوہان، شیخ ندیم اکبر ،اختر عالم قریشی، ملک اسلم ڈوگر ،مرزا عبدالرحمان،  رانا علی اکبر، قسور بھٹی، رانا ذیشان، شیخ علی مقصود، شیخ عبدالرحمٰن ودیگر کارکنان بھی موجود تھے۔ دریں اثناء مسلم لیگ (ن) کے ضلعی صدر بلال بٹ اور  یوتھ ونگ کے ضلعی صدر عبدالرحمن فری کی قیادت میں چوک کمہاراں والا عمران خان کو نااہل ہونے کی خوشی میں آتش بازی کا شاندار مظاہرہ کیا گیا اور کارکنوں میں مٹھائی تقسیم کی گئی۔اس موقع پر بابر شاہ شاہین شفیق، افشین بٹ، فہمیدہ  چوہان، شہاب خان،رفیق کریمی، وقاص کمبوہ رانا اکبر عمر فاروق بھٹی چودھری اسلم ہمایوں ودیگر لوگوں کی کثیر تعداد نے شرکت کی ۔مسلم لیگ ن شعبہ خواتین کی ڈویژنل صدر ڈاکٹر عائشہ عبداللہ نے کہا ہے کہ قائد نواز شریف کی نااہلی کا جشن منانے والے آ ج اپنے قائد عمران خان کی نااہلی کا بھی جشن منائیں دوسروں کے لیے گھڑا کھودنے والا اپنے انجام کو پہنچ گیا ۔ سپیشل رپورٹر کے مطابق پیپلز پارٹی کے زیر اہتمام الیکشن کمشن کی جانب سے عمران خان کی نااہلی کی خوشی میں ملتان پریس کلب کے سامنے جشن منایا گیا اور اس موقع پر ڈھول کی تھاپ پر جیالوں نے بھنگڑے ڈالے اور کارکنوں میں مٹھائی تقسیم کی گئی اس موقع پر پیپلز پارٹی ساؤتھ پنجاب کے سینئر نائب صدر خواجہ رضوان عالم،ڈویڑنل صدر خالد حنیف لودھی،سٹی صدر ملک نسیم لاشبر،ضلعی جنرل سیکرٹری راؤ ساجد علی ،سیکریٹری انفارمیشن چوہدری یسین،منظور قادری، سٹی صدر شعبہ خواتین عابدہ بخاری ،شاہد رضا صدیقی،مرزا نزیر بیگ،عبدالروف لودھی، ،مطلوب بخاری ،امین ساجد،سلیم شہزاد ،ملک افتخار ،خواجہ عمران ،ضیاء انصاری ،طارق شاد،سحرش خان ،ظفر بھٹہ،رمضان کمبوہ ،عرفان انصاری،ندیم انصاری ،محمد کاشف،نزیر کاٹھیا،عمراہ سمرا،شبیر قریشی سمیت دیگر کارکنوں نے شرکت کی۔میاں چنوں سے خبر نگارکے مطابق عمران خان کی نا اہلی پر ضلعی سیکرٹری انفارمیشن مسلم لیگ ن خانیوال غلام شبیر ساقی نے مسلم لیگ آفس وجھیانوالہ میں جشن منانے کی تقریب سے خطاب کیاتقریب میںجنرل سیکرٹری پی پی 209 مہر عمر دراز وجھی، معروف تاجر رہنما چوہدری طاہر آرائیں، سینئر لیگی رہنما ڈاکٹر رمضان جاوید،, حافظ عابد قیوم،میاں مدثر منظور، میاں عمران طاہر،, عہدیداران  ایس ایم ٹی ملک اعجاز لڑکا،غلام شبیر وکی جٹ، عمر صدیق بھٹی، محمد عامر چوہدری،محمد ابرار، فہیم رفیق، اعظم صدیق،علی اکرم سنارا و دیگر نے شرکت کی صدر یوتھ ونگ حافظ عثمان غنی اور رہنما غلام قدیر عابد نے کیا تھا۔ نمائندہ نوائے وقت کے مطابق الیکشن کمشن آف پاکستان کی جانب سے توشہ خانہ کیس پر عمران کی نااہلی پر لیگیوں کا جشن رانا بابر حسین ایم پی اے کی رہائش پر ڈھول کی تھاپ پر بھنگڑے مٹھائی تقسیم کی گئی۔ مظفرگڑھ سے نامہ نگار کے مطابق توشہ خانہ کیس میں عمران خان کی نااہلی کے فیصلے کی خوشی میں پیپلز پارٹی کی جانب سے جشن منایا گیا،مظفرگڑھ پریس کلب میں منائے گئے جشن میں پیپلز پارٹی کے کارکنوں میں مٹھائی تقسیم کی گئی۔ پیپلز پارٹی کے ڈویژنل صدر سردار ظفر اللہ خان لغاری،ضلعی جنرل سیکرٹری ملک مظہر پہوڑ و دیگر کا کہنا تھا کہ عمران خان کی نااہلی کا فیصلہ قانون کیمطابق اور درست ہے عمران خان کو پیپلز پارٹی کی طرح عدالتی فیصلوں کا احترام کرنا سیکھنا چاہیے۔
جشن