ڈوموٹیکس عالمی نمائش جرمنی  میں 12جنوری سے منعقد ہو گی

برلن(کامرس ڈیسک)ٹریڈ ڈویلپمنٹ اتھارٹی آف پاکستان(ٹی ڈی اے پی)نے جرمنی کے شہر ہینوور میں منعقدہ بین الاقوامی نمائش میں شرکت کی خواہشمند کمپنیوں اوراداروں سے درخواستیں طلب کرلی ہیں۔ٹی ڈی اے پی کے ترجمان نے بتایا کہ جرمنی میں 12 سے 15 جنوری 2023 تک ڈوموٹیکس کے نام سے بین الاقوامی کارپٹس اور فلور کوورنگ کی نمائش منعقد ہوگی۔ نمائش میں شرکت کی فیس9 لاکھ 81 ہزار روپے مقرر کی گئی ہے۔ نمائش میں شرکت کے خواہشمند کمپنیاں اورادارے 28 اکتوبر تک درخواستیں جمع کراسکتے ہیں۔ کارپٹ اور فلور کوورنگ مصنوعات بنانے والی کمپنیاں اورادارے نمائش سے شرکت کے اہل ہیں۔