کراچی(اسپورٹس رپورٹر )قومی ہاکی ٹیم کے کھلاڑی مرتضی یعقوب نے کہا ہے کہ پاکستان ہاکی ٹیم کو کھویا ہوا مقام دوبارہ دلوانیکیلئے  بھرپورکوشش کریں گے۔یہ بات انہوں نے پاکستان ہاکی فیڈریشن (پی ایچ ایف)کے زیراہتمام سلطان اذلان شاہ ہاکی ٹورنامنٹ میں شرکت کے لئے عبدالستار ہاکی اسٹیڈیم کراچی میں ٹیم منیجمنٹ کی زیرنگرانی لگائے گئے تربیتی کیمپ میں ہفتہ کو پریکٹس سیشن کے دوران اپنے وڈیو بیان میں کہی۔ مرتضی یعقوب نے کہا کہ سلطان اذلان شاہ ہاکی کپ کے لئے قومی ٹیم میں منتخب ہونا میرے لئے اعزاز کی بات ہے،ٹورنامنٹ میں اچھی کارکردگی دکھانے کے لئے قوم ٹیم کے لئے دعا کرے تاکہ ٹیم میڈل لے کر واپس آئے۔
واضح  رہے کہ اذلان شاہ ہاکی ٹورنامنٹ میں شرکت کے لئے پی ایچ ایف کے زیراہتمام اورٹیم منیجمنٹ کی زیرنگرانی قومی ہاکی ٹیم کی تربیت کے لئے عبدالستار ہاکی اسٹیڈیم میں لگائے گئے کیمپ میں ٹیم کے کھلاڑی بھرپور محنت اور لگن کے ساتھ اپنے کھیل میں نکھار پیدا کرنے کے لئے شب و روز کوشاں ہیں۔