بیرسٹر امجد ملک کی وفد کے ہمراہ گورنر پنجاب سے ملاقات ،سیاسی صورتحال پر گفتگو

لاہور (خصوصی نامہ نگار)گورنر پنجاب محمد بلیغ الرحمن نے کہاہے کہ مسلم لیگ نے ہر دور میں عوام کی خدمت کی ہے۔ میاں نواز شریف کی آمد تازہ ہوا کاایک جھونکا ہے۔ کشمیری کمیونٹی نواز شریف کے ویژن کیساتھ ہے اور اوورسیز کے بچوں کو پاکستان سے راغب کرنے کیلئے کشمیر میں ٹورازم کا فروغ اور سہولیات کی فراہمی وقت کی ضرورت ہے۔سینئر نائب صدر اور چیف کوآرڈینیٹر انٹرنیشنل افیئرزمسلم لیگ ن بیرسٹر امجد ملک نے وفد کے ہمراہ گورنر پنجاب محمد بلیغ الرحمن سے گورنر ہاو¿س میں خصوصی ملاقات کی ۔جس میں مسلم لیگ (ن )کینیڈا سے صدر سہیل وڑائچ ، ہالینڈ سے صدر پرویز سندھیلا ، برطانیہ سے آزاد کشمیر چیپٹر کے صدر چوہدری عبدالرحمن ، پرتگال سے سیکرٹری جنرل سرفراز فرانسس ، سویڈن سے آئے سرپرست اعلیٰ اسد ایاز، سعودی عرب کے قائم مقام صدر و سینئر نائب صدر محمود الحق ڈوگر، سوئٹزرلینڈ کے صدر عالم زیب خان ، ترکی کے مسلم لیگ (ن )کے صدر میر ابرار اور برطانیہ وآئر لینڈ کے سوشل میڈیا کے نمائندے سلیمان بٹ ، کینیڈاسے طاہر نواز، برطانیہ آزاد کشمیر یوتھ کے نمائندے راجہ شکیل طاہر سمیت دیگر شریک تھے۔گورنر پنجاب بلیغ الرحمن نے کہا کہ تارکین وطن ہمارا سرمایہ ہیں۔