لاہور(نامہ نگار)ایس پی ڈولفن زوہیب نصر اللہ رانجھا نے ڈولفن سکواڈ اور پی آر یو کی گزشتہ ہفتے کی کارکردگی رپورٹ سے آگاہ کرتے ہوئے بتایا کہ ہیلپ لائن پر موصول1228 کالزپرکارروائی عمل میں لائی گئی۔چوری و ڈکیتی کی وارداتوں میں ملوث 4 ملزمان گرفتارکئے گئے۔ملزمان کے قبضہ سے موٹرسائیکلیں،موبائل فون اورہزاروں روپے نقدی برآمدکی گئی۔4 پستول، میگزین اورمتعدد گولیاں قبضہ میں لی گئیں۔شراب،بیئر کین، چرس و ہیروئن برآمد کی گئیں۔ 6عادی مجرم گرفتار جبکہ2عدالتی مفروران بھی حراست میں لئے گئے۔4068گاڑیاں وموٹر سائیکلیں تھانوں میں بند جبکہ15 اشخاص کےخلاف قانونی کارروائی کی گئی۔ ون ویلنگ میں ملوث2 جبکہ پتنگ بازی‘ ہوائی فائرنگ میں ملوث ایک ملزم گرفتارکیا۔