لاہور (سپورٹس رپورٹر)صائم ایوب اور شان مسعود کی شاندار بیٹنگ کے نتیجے میں کراچی وائٹس نے فیصل آباد کےخلاف قائداعظم ٹرافی فائنل کے پہلے روز 398 رنز بنالئے تھے اور اس کے2 کھلاڑی آو¿ٹ ہوئے تھے۔صائم ایوب 200 رنز بناکرناٹ آو¿ٹ تھے۔عمیر بن یوسف 2 رنز پر کھیل رہے تھے۔ شان مسعود 180 رنز بناکر آو¿ٹ ہوئے۔قذافی سٹیڈیم لاہور میں کھیلے جانے والے پانچ روزہ فائنل میں فیصل آباد کے کپتان فہیم اشرف نے ٹاس جیت کر کراچی وائٹس کو بیٹنگ دی۔ خرم منظور صرف 3 رنز بناکر خرم شہزاد کی گیند پر ایل بی ڈبلیو ہوگئے۔ صائم ایوب اور شان مسعود سکور کو382 تک پہنچادیا۔ دوسری وکٹ کی شراکت میں 367 رنز کا اضافہ کیا۔صائم ایوب نے244 گیندیں کھیل کر 200 رنز بنائے۔ ان کی فرسٹ کلاس کرکٹ میں دوسری سنچری ہے۔شان مسعود 182 گیندوں پر 180 رنز بناکر ارشد اقبال کی گیند پر بولڈ ہوئے۔ یہ فرسٹ کلاس کرکٹ میں ان کی 24 ویں سنچری ہے۔فیصل آباد کے خرم شہزاد اور ارشد اقبال ایک ایک وکٹ لینے میں کامیاب رہے۔