ننکانہ صاحب (نامہ نگار) بابا گورونانک ہاکی اکیڈمی کے زیراہتمام بابا گورونانک کبڈی میلہ 9 نومبر کو قائد اعظم سپورٹس سٹیڈیم شاہ کوٹ ننکانہ میں ہو گا جس میں رائلز کنگز یو ایس اے‘ بندیشہ رائل بیلجئم‘ شاہین کبڈی کلب اور مزمل بوٹا رائل کی ٹیمیں حصہ لیں گی چاروں ٹیموں میں قومی اور عالمی سطح کے کبڈی کے کھلاڑی شامل ہوں گے جو اپنی صلاحیتوں کے جوہر دکھائیں گے۔ مقابلوں میں پہلی پوزیشن حاصل کرنے والی ٹیم کو پانچ لاکھ روپے‘ دوسری پوزیشن پر تین لاکھ‘  تیسری پوزیشن پر ایک لاکھ پچاس ہزار اور چوتھی پوزیشن حاصل والی ٹیم کو بھی ایک لاکھ پچاس ہزار روپے انعام دیا جائے گا۔ فائنل میچ میں چیئرمین بابا گورونانک ہاکی اکیڈمی سردار املوک سنگھ گھاکل‘ ایم پی اے رانا ارشد‘ رانا سرور اور شافع چوہدری بطور مہمان خصوصی شرکت کرینگے۔