ایمرجنگ ایشیا کپ ‘پاکستان ‘امارات ‘بھارت ‘اومان آج مد مقابل

لاہور(سپورٹس رپورٹر)  اومان میںجاری ایمرجنگ ایشیا ٹی ٹونٹی کپ کے میچ میں ہانگ کانگ نے افغانستان کو شکست دیدی ۔ افغان اے ٹیم 131رنز پر ڈھیر ہو گئی ۔  ۔ انس خان نے 6کھلاڑیوں کو آئوٹ کیا ۔ ہانگ کانگ نے ہدف 6وکٹوں پرپورا کرلیا ۔ انس خان کو میچ کا بہترین کھلاڑی قرار دیا گیا ۔سری لنکا اے نے بنگلہ دیش ا ے ٹیم کو شکست دیکر سیمی فائنل کی دوڑ سے باہر کردیا ۔ سری لنکا اے ٹیم نے 7وکٹوں پر 161رنز بنائے ۔ بنگلہ دیش اے ٹیم 7وکٹوں پر 142رنز بناسکی ۔ گروپ اے سے سری لنکا اور افغانستان اے کی ٹیمیں سیمی فائنل میں پہنچ گئیں ۔ گروپ بی کی سیمی فائنلسٹ ٹیموں کا فیصلہ آج ہوگا۔ پاکستان شاہینز اور متحدہ عرب امارات آ ج دن 2بجے ‘بھارت اے اوراومان کی ٹیمیں شام ساڑھے چھ بجے مد مقابل ہونگی ۔