جیت کے بعد ٹیم کامورال بلند‘ اچھی کرکٹ کھیلیں گے: سعود شکیل

لاہور(سپورٹس رپورٹر )قومی ٹیسٹ ٹیم کے نائب کپتان سعود شکیل نے کہاہے کہ جیت کے بعد ٹیم کامورال بلند، اچھی کرکٹ کھیلیں گے۔  نعمان علی، ساجد خان نے کم بیک میچ میں اچھی بائولنگ کی۔ نعمان علی کے پاس تجربہ ہے، وہ پچ کے حساب سے بائولنگ کرنا جانتے ہیں۔ ملتان اور راولپنڈی کے موسم میں کافی فرق ہے،پنڈی کی پچ ہمیشہ سے فاسٹ بائولرز کو سپورٹ کرتی ہے،موسم کی وجہ سے پچ میں فرق ہوتا ہے۔ امید ہے ملتان جیسی پچ ہی راولپنڈی ٹیسٹ کیلئے بھی ملے گی۔ جیت ضروری ہوتی ہے، پاکستان ٹیم کا حوصلہ بلند ہے۔ راولپنڈی میں سپنرز کیلئے سازگار پچ بنانے کی کوشش کی جارہی ہے۔  سیریز ٹو سیریز پلاننگ ہونی چاہیے،ہوم کنڈیشنز کی پچ بنانی چاہیے۔ تیسرے ٹیسٹ میچ میں سپنرز کیلئے سازگار وکٹ بنانے کی کوشش کریں گے۔ کوشش ہو گی کہ اسی طرح کی وکٹ ہو اور وہ ہمارے لئے سازگار ہو جس کی بدولت ہم میچ جیتنے کی کوشش کریں۔